*निराधार अंध वयोवृद्ध दांपत्यास सचिन सोनारीकर यांचा मदतीचा हात;स्वीकारले पालकत्व*
उस्मानाबाद तालुक्यातील कनगरा येथील अंध व वयोवृद्ध भिसे दांपत्याची होत असलेली उपासमार पाहून परंडा तालुक्यातील सोनारी येथील सचिन सोनारीकर यांनी भिसे दांपत्यांची भेट घेऊन त्यांचे पालकत्व स्विकारले असून त्यांच्या कायमस्वरुपी चहा,नास्था व जेवणाची सोय तसेच त्यांच्या आवश्यक त्या मुलभूत गरजा ते भागवणार आहेत.
गेल्या सहा सात महिन्यांपूर्वी भिसे दांपत्यांना जिल्हाभरातून मदतीचा हात मिळाला होता.काही महिने त्यावर त्यांची उपजीविका भागली परंतू सध्या जैसे थे परस्थिती निर्माण झाल्याने सोनारीकर भिसे दांपत्यांच्या मदतीसाठी धावले आहेत.त्यांनी या दाम्पत्याचे कायमस्वरूपी पालकत्व स्वीकारले आहे.सोनारीकर हे त्यांच्या गावी जवळपास दोन हजार माकडांचा सांभाळ करण्याच काम करतात.त्याच बरोबर त्यांनी कोरोनाच्या काळात अनेक अंध,अपंग निराधार लोकांची सेवा केली आहे.सामाजिक बांधिलकीच्या भूमिकेतून त्यांनी पुढे केलेल्या मदतीच्या हाताचे सर्व स्तरातून कौतुक होत आहे.
प्रतिनिधी रुपेश डोलारे उस्मानाबाद
कोणत्याही टिप्पण्या नाहीत:
टिप्पणी पोस्ट करा