अखेर मिळाला मांडवे गावास गावकारभारी
सागर चंदनशिवे यांची मांडवे गावच्या सरपंचपदी बिनविरोध निवड
वडूज प्रतिनिधी / शरद कदम
मांडवे ता. खटाव येथील ग्रामपंचायतीच्या सरपंचपदी सागर चंदनशिवे यांची बिनविरोध निवड झाल्याने अखेर गावास गावकारभारी मिळाला अशी चर्चा ग्रामस्थांमधून उमटत आहे.
या बाबत सविस्तर माहिती अशी की, मांडवे ग्रामपंचायत निवडणुकीमध्ये महाविकास आघाडीच्या कार्यकर्त्यांनी सदाशिव रामचंद्र खाडे व पोपटराव शंकर पाटील यांच्या नेतृत्वाखाली जय हनुमान ग्रामविकास पॅनेल यांची स्थापना केली. या पॅनेलने ९ पैकी ५ जागा जिंकून सत्ता अबाधित राखली. सरपंच - उपसरपंच निवडणुकीमध्ये सरपंचपद हे अनुसूचित जाती महिला या जागेसाठी राखीव असल्याकारणाने तांत्रिक बदलासाठी सरपंचपदाची निवडणूक राखीव ठेवली होती. सदाशिव खाडे, सागर चंदनशिवे ,पोपटराव पाटील, रुक्मिणी फडतरे, माधुरी देशमुख, विजय खाडे, उज्वला खाडे, सुनिता खाडे, संगीता खाडे आदि उमेदवार या निवडणूकीत निवडून आले होते. मांडवे गावची ग्रामपंचायत सरपंच पदाची निवडणूक नुकतीच पार पडली. सरपंच पदाच्या निवडणुकीमध्ये सरपंचपद हे अनुसूचित जाती महिला या जागेसाठी राखीव होते. परंतू या जागेसाठी उमेदवार नसल्याने ग्रामपंचायत अधिनियमातील तरतुदीनुसार व मा. जिल्हाधिकारी सातारा यांच्या अदेशादुनसार तांत्रिक अडचण दुर करून दिनांक २० एप्रिल २०२१ रोजी सरपंचपदाची निवडणुक घेण्यात आली. या निवडणूक प्रक्रियेत महिला उमेदवार नसल्याने त्याच प्रवर्गातील पुरुष उमेदवारास संधी देण्यात आली. यामध्ये प्रा.सागर बापुराव चंदनशिवे यांची सरपंच पदी बिनविरोध निवड करण्यात आली. तर विजय खाडे यांची उपसरपंचपदी निवड करण्यात आली.
. ग्रापंचायतीचे नुतन सरंपंच व उपसरपंच हे दोन्ही सुशिक्षीत असल्याने ग्रामपंचायतीचा कारभार चांगल्याप्रकारे पार पडेल अशी सर्व ग्रास्थांनी आशा व्यक्त केली. माजी आयुक्त प्रभाकर देशमुख, हरणाई सुतगिरणीचे संस्थापक रणजितिसिंह देशमुख यांनी नुतन सरपंच व सदस्यांना शुभेच्छा दिल्या. राजूभाई मुलाणी, अर्जुन पाटील, जोतीराम बागल, दत्तात्रय पाटील, अशोक फडतरे, सदाशिव देशमुख, पांडूरंग खाडे( सर) सुनिल खाडे, किशोर क्षिरसागर, शशिकांत देशमुख, भारतशेठ खाडे, बबन खाडे, संतोष बर्गे, भरत देशमुख, आकाराम ओंबासे, ब्रह्मदेव पाटोळे, वसंत पाटोळे, दशरथ ढोले, आप्पा ढोले, दिवेश ढोले, लक्ष्मण ढोले, राजेंद्र देशमुख, तानाजी देशमुख, अशोक देशमुख, शिवाजीराव बर्गे, दादासाहेब फडतरे, अमोल यादव, पांडूरंग अवघडे, सुरेश अवघडे, जालिंदर चंदनशिवे, अशोक चंदनशिवे, सुनिल चंदनशिवे, अरविंद कुंभार, आण्णा काळे, मधुकर खाडे, मारूती खाडे, दिलीप खाडे, केशव खाडे, उत्तम खाडे या कार्यकर्त्यांनी व ग्रामस्थांनी निवडणूकीसाठी परिश्रम घेतले. सरपंच सागर चंदनशिवे व उपसरपंच विजय खाडे यांचे मांडवे व वडूज परिसरातून अभिनंदन होत आहे.
कोणत्याही टिप्पण्या नाहीत:
टिप्पणी पोस्ट करा