सलग सातव्या वर्षी आर्या पब्लिक स्कूलचा १०० टक्के निकाल
माढा तालुक्यातील श्री विठ्ठल शिक्षण प्रसारक मंडळ निमगांव (टें) संचलित,आर्या पब्लिक स्कूल, पिंपळनेर या सीबीएसई बोर्डाच्या स्कूलचा इयत्ता दहावीच्या परीक्षेचा निकाल १०० टक्के लागला असून सलग सातव्या वर्षी १०० टक्के निकालाची परंपरा कायम राखली आहे.
विशेषबाब म्हणजे गणित,आर्टिफिशयल इंटेलिजन्स, कृषिशास्त्र विषयांमध्ये एक-एक विद्यार्थ्यांनी १०० पैकी १०० गुण प्राप्त केले आहेत.बोर्डाच्या परीक्षेत स्कूलचे सर्व ५५ विद्यार्थी उत्तीर्ण झाले असून १९ विद्यार्थ्यांनी ९० टक्केपेक्षा अधिक , ८ विद्यार्थी प्रथम श्रेणीतून तर विशेष प्राविण्यासह ४६ विद्यार्थी उत्तीर्ण झाले आहेत.स्कूलमध्ये गुणानुक्रमे प्रथम क्रमांक वृषाली शिंदे ९८.४० टक्के गुण,द्वितीय क्रमांक अपेक्षा काळे ९८.२० टक्के गुण,तृतीय क्रमांक तेजस्विनी दोरास्वामी ९७.२० टक्के गुण,चतुर्थ क्रमांक कृष्णा शिंदे ९६.६० टक्के गुण ,पाचवा क्रमांक प्रेरणा शिंदे ९६.४० टक्के गुण मिळवत विशेष प्राविण्यासह उत्तीर्ण झाले आहेत.
या यशाबद्दल आमदार बबनदादा शिंदे,आमदार संजयमामा शिंदे, जिल्हा दूधसंघाचे चेअरमन रणजितसिंह शिंदे,सभापती विक्रमसिंह शिंदे,पंचायत समिती सदस्य धनराज शिंदे,शालेय व्यवस्थापन समिती अध्यक्षा प्रणिता वहिनी शिंदे,प्राचार्य रवींद्र लोखंडे,उपप्राचार्य अन्वर मुलाणी,ज्युनिअर कॉलेज प्राचार्य रणजितकुमार उबाळे,स्वाती मराळ, दादासाहेब अधटराव,सचिन पवार,राहुल सोमासे, हर्षद शिंदे,शोएब शेख,स्वप्निल झांबरे,राशी वाळेकर,संजय गायकवाड,प्रियांका कन्नडकर,कुमार बडे, सतिश वरपे,पालकवर्ग,शिक्षक व शिक्षकेत्तर कर्मचारी यांनी अभिनंदन करून पुढील वाटचालीस शुभेच्छा दिल्या.
कोणत्याही टिप्पण्या नाहीत:
टिप्पणी पोस्ट करा