तुळजापूर तालुक्यातील चिवरी येथील श्री महालक्ष्मीची यात्रा रद्द; मोजक्याच मानकऱ्यांच्या उपस्थितीत परंपरेनुसार होणार धार्मिक विधी
प्रतिनिधी:- अजित चव्हाण
तुळजापूर:- महाराष्ट्रासह कर्नाटक आंध्र प्रदेशच्या लाखो भाविकांचे श्रद्धास्थान असलेल्या तुळजापूर तालुक्यातील चिवरी येथील श्री महालक्ष्मी यात्रा यंदाही कोरोना महामारीच्या तिसऱ्या लाटेच्या पार्श्वभूमीवर रद्द करण्याचा निर्णय मंदिर कमिटी, पोलीस प्रशासन व प्रशासनाच्या वतीने गुरुवारी ,दि,१७ रोजी संयुक्त बैठक घेऊन करण्यात आला. यामध्ये श्री महालक्ष्मी देवीचे सर्व धार्मिक विधी रूढी व परंपरा ह्या स्थानिक पातळीवर मोजक्याच मानकरी व ग्रामस्थांच्या उपस्थितीत धार्मिक विधी पार पडले जाणार असल्याचे बैठकीत निर्णय घेण्यात आला, दरवर्षी माघ महिन्यातील पोर्णिमेपासुन येणाऱ्या पहिल्या मंगळवारी यात्रा भरली जाते, या बैठकीमध्ये तुळजापूर तहसील चे तहसीलदार सौदागर तांदळे यांनी यावर्षी दि,२१, व २२ फ्रेबुवारी रोजी भरली जाणारी महालक्ष्मी यात्रा कोरूनाच्या तिसऱ्या लाटेच्या पार्श्वभूमीवर यात्रा रद्द करण्याचा निर्णय घेतला आहे. सलग दुसऱ्या वर्षी यात्रा रद्द करण्यात आली आहे .याञा काळामध्ये मंदिर बंद ठेवून व बाहेर गावातील भाविकांनी घरातच राहुन प्रशासनास सहकार्य करावे असे आवाहन करण्यात आले, या बैठकीस तुळजापूर तहसील चे तहसीलदार सौदागर तांदळे पोलीस उपअधीक्षक सई भोरे पाटील, नळदृर्ग पोलीस ठाण्याचे पोलीस निरीक्षक सिद्धेश्वर गोरे, पोलीस पाटील योगेश बिराजदार ,ग्रामसेवक गोरोबा गायकवाड, मंडळ अधिकारी जे. एस .गायकवाड तलाठी डी.एन.गायकवाड , मंदिर कमिटीचे अध्यक्ष. जयपाल सिंह बायस, धनराज मिटकरी, यांच्यासह ग्रामस्थ व्यापारीवर्ग व पुजारी बांधव उपस्थित होते.
यात्रा काळामध्ये चिवरी महालक्ष्मी मंदिर बंद असल्यामुळे गावातील तसेच पंचक्रोशीतील भाविकांनी घरीच देवीच्या प्रतिमेचे प्रतिष्ठापना करून पूजाअर्चा नैवेद्य दाखवून यात्रा साजरी करावी असे आव्हान ग्रामपंचायत व मंदिर ट्रस्ट च्या वतीने भाविकांना करण्यात आले आहे.
कोणत्याही टिप्पण्या नाहीत:
टिप्पणी पोस्ट करा