*माजी मुख्यमंत्री देवेंद्र फडणवीस सोमवारी पुणे जिल्हा पाहणी दौऱ्यावर- हर्षवर्धन पाटील *
पुणे जिल्हा प्रतिनिधी शिवाजी पवार
माजी मुख्यमंत्री व विरोधी पक्ष नेते ना.देवेंद्रजी फडणवीस हे सोमवार ( दि. १९ ) रोजी अतिवृष्टीने झालेल्या नुकसानीची पाहणी करणेसाठी पुणे जिल्हाच्या दौऱ्यावरती येत आहेत, अशी माहिती भाजपचे नेते व माजीमंत्री मा. हर्षवर्धन पाटील यांनी दिली.
विरोधी पक्ष नेते ना.देवेंद्रजी फडणवीस यांचे सोमवार सकाळी १० वा. बारामती विमानतळावरती आगमन होईल. त्यानंतर दौंड तालुक्यातील मळद, रावणगाव, खडकी, स्वामी चिंचोली या भागातील नुकसानीची ते पाहणी करतील. त्यानंतर दुपारी ११.४५ वा. इंदापूर तालुक्यातील सणसर, निमगाव-केतकी परिसरात झालेल्या नुकसानीची पाहणी करतील. तेथून विरोधी पक्ष नेते ना.देवेंद्रजी फडणवीस हे माढा तालुक्यातील टाकळी, गारअकोले या भागाची पाहणी करणेसाठी जाणार आहेत, अशी माहिती श्री. हर्षवर्धनजी पाटील यांनी दिली. विरोधी पक्ष नेते ना.देवेंद्रजी फडणवीस यांच्या या पाहणी दौऱ्यामुळे शेतकऱ्यांना दिलासा मिळणार आहे, असेही त्यांनी सांगितले.
____________________________
कोणत्याही टिप्पण्या नाहीत:
टिप्पणी पोस्ट करा